في البرنامج الإذاعي “عقصة دبور” الذي يقدمه الناقد الكوميدي بلال مواس عبر إذاعة الفجر، تمّ التطرق إلى مسودة قانون العفو العام.
وجاء في نص الحلقة:
عفو عام .. أخرجوا من السجون .. كل المساجين
كلهن؟؟ كتيييير
طيب .. عفو عام .. أخرجوا من السجن .. كل المساجين ما عدا المحال إلى المجلس العدلي
كمان كتييييير
طيب .. يستثنى كمان من العفو العام المعتدين على أمن الدولة
كمان كتييييير
طيب كمان ما عدا جرائم قتل العسكريين
كمان كتييييير
طيب كمان لا يشمل العفو تخريب الثكنات العسكرية
لسا لساتهن كتار
ماشي يا سيدي .. استثنوا كمان جرائم الارهاب
بعدهن كتار
يستثنى كمان .. كل من له علاقة بالمتفجرات
كمان كمان
طيب يستثنى كمان .. جرائم تشكيل العصابات المسلحة
لسا لازم نستثني
طيب استثنوا كمان كل من له علاقة بتنظيمات إرهابية معادية
لساتهن كتار .. صدقوني
طيب يستثنى من العفو العام .. كل من تواصل مع حدا له علاقة بالتنظيمات الارهابية
مممم .. بعد بعد .. لساتهن كتار
طيب يستثنى من العفو .. كل من وجد معه صورة فيها تأييد أو تشجيع أو مديح لتنظيمات معادية
ممم منيح .. بس لساتهن كتار
طيب استثنولي كمان .. كل واحد طرابلسي أو صيداوي أو عرسالي أو مجدلي
بعد بعد .. لازم نشيل بعد
طيب استثنولي منهم .. كل واحد ملتحي
يا عمي والله لساتهن كتار
طيب استثنولي منهم كل واحد ملتزم .. بـ “سنّة الحياة”
برضو لساتهن كتار
طيب يا سيدي .. استثنولي من العفو العام كل من قال لا إله إلا الله
بعد بعد .. كتير هيك
بعد بعد .. كتير هيك
طيب خلاص .. اكتبلي عندك: عفو عام .. أخرجوا الجميع من السجون ما عدا المذكورين أعلاه .. وكل من كان في قلبه .. مثقال ذرة من لا إله إلا الله !!
