بدك تبقى فخور بانتمائك لقطيع الزعيم أنت حر… مبروك عليك عبوديتك،
ما بدك تتظاهر وتطالب بحقوقك كمان منحترم غنميتك، بس عالقليلة إرفع صوتك ضد جلاديك واللي عم يقتلوك:
يا عزيزي عذبت حالك وقرأت تقرير منظمة “هيومن رايتس” عن نتائج حرق النفايات على صحتك وصحة أطفالك؟
عرفت أنه طفلك عم يتنشق سرطانات وأمراض رئوية لأنك أنت ساكت وذليل؟
يا عزيزي عرفت شو يعني توسيع المطامر وإضافة مليون طن زبالة فوق المليون اللي انطمر قبل؟
يعني آلاف الأمتار المكعبة من غاز الميتان المنعدم الريحة اللي عم تشمو أنت وعيلتك وعم يعملكن أمراض عصبية ورئوية وسرطانية؟
شي مرة قلت نهر الليطاني اللي عم يسقي مزروعاتك ملوث بالزئبق وبالمجارير والنفايات بسبب غياب دولتك والتهاء زعيمك بتعبئة جيوبه وحساباته المصرفية خارج لبنان؟
أنت ساكت رغم كل هيك، أنت كرامتك من شو مكونة؟ والله الغنمة لما بدن يذبحوها بتثور، ولك انت عم يذبحولك أطفالك وبعدك ساكت.
#حدك_جهنم
