حقيقة التطهير العرقي بورما: معلومات جديدة عن أزمة المسلمين هناك!

كتب تامر وميشال وهما مغنيا "هيب هوب" في الولايات المتحدة الأمريكية من جذور مصرية تعليقاً على كارثة بورما، وذلك في تدوينة فيسبوكية تضمنت:

لسه مع بورما.. و نندهش لو عرفنا إن الأخ “جورج سوروس”.. متبني نفس وجهة نظر الإخوة بتوع “انقذوا مسلمي الروهينجا”..

الملياردير “جورج سوروس George Soros” لو ماتعرفهوش.. هو الممول الأول لمنظمات المجتمع المدني المشبوهة في مصر و سوريا و اليمن و تونس و العراق و ليبيا.. و الممول الأول للربيع العربي..و مؤسس و مدير منظمة “مجموعة الأزمات Crisis Group”..

المنظمة دي طالبت بدمج الإخوان في الحياة السياسية من قبل الربيع العربي.. و بتطالب طوال الوقت باعتبارهم “فصيل وطني”.. و بتسعى لدمجهم في الحياة السياسية مرة أخرى بعد الربيع الأسود..

في 2003 “سوروس” قاد حركة تسعى إلي “التغيير الإقتصادي و التحول الديموقراطي في ميانمار”..

بيفكرك بحاجة موضوع “التحول الديموقراطي” ده؟

طبعا إحنا عارفين إن الصراع في بورما قديم.. و سببه إن مجموعة من “الروهينجا” سكان “راكين Rakhine” بتحاول تستقل.. لأنهم اكتشفوا إن “راكين” كانت مستقلة عن بورما سنة 3325 قبل الميلاد.. الكلام دا بجد مش هزار.. دا اللي هم أعلنوه..

لما “جورج سوروس” بينزل دولة.. فهو بيدور على الإختلافات الدينية “زي مسلم/ مسيحي”.. “سني/ شيعي”.. “مسلم/ بوذي”.. أو الإختلافات الإجتماعية “زي غني/ فقير”.. و يأججها و يولعها.. وينصرف..

دا مش كلامي بالمناسبة دا كلام “الدكتور ديمتري إيجورشينكوف Dmitry Egorchenkov” مدير معهد الدراسات الإستراتيجية بالإتحاد الروسي.. و صديق “جورج سوروس” اللدود..

دلوقتي في حركة مسلحة في بورما اسمها “حركة يقين”.. بتسعى للاستقلال و فصل جزء من الدولة “راكين” عن بورما.. و شايفة إن نظام الحكم في بورما كافر.. في 25 أغسطس اللي فات.. “حركة يقين” هجمت بالسلاح على نقاط حراسة تابعة للجيش البورمي في “راكين” و ذبحتهم.. بدون أي مناسبة..

“جورج سوروس” دلوقتي بدأ يلقب المسلحين بتوع يقين باسم “ثوار بورما”.. و “المعارضة المسلحة المعتدلة”..

الحركة دي اسمها دلوقتي اصبح “جيش إنقاذ الروهينجا الحر Arakan Rohingya Free Salvation Army”

“ثوار”.. مسلح معتدل”.. “جيش حر”…

بتفكرك بحاجة الأسامي دي؟

“سوروس” له تصريح عن الأحداث بعدما نشأت حركة يقين المسلحة بيقول فيه بالحرف “ميانمار استثمار طويل الأمد.. و قد بدأ يثمر A Long-Term Investment That ‘Paid Off'”

بورما و عارفين إنها على حدود الصين و تنفع مخلب قط ممتاز لو اتحولت لأفغانستان جديدة.. اشمعنى “راكين” بالذات؟

بترول العالم بيشطّب و ينتهي.. خلينا نتفق على الحقيقة دي.. و اللي عنده وقود مطمع لأي حد..

“راكين” بتسبح على الغاز الطبيعي و البترول.. و حصل فيها اكتشافات هائلة في 2004.. الاكتشافات دي شدت انتباه الصين.. و راحت استثمرت فيها.. و مدت أنابيب للغاز و الوقود بالفعل من “راكين” للصين.. عن طريق ميناء “كوياكوبيو Kyaukpyu” في ميانمار.. إلي مدينة “كونمينج Kunming” الصينية.. عاصمة محافظة يونان جنوب غرب الصين..

عشان طبعا مينفعش دلوقتي نقول رايحين نحتل منطقة عشان الغاز.. ممكن نحور الموضوع و نحول التحول الديموقراطي إلي “تصفية عرقية” لأن معظم الروهينجا وافدين علي بورما.. و دا نجح.. و اتحول الموضوع في شق كبير لحرب عرقية..

و بعدها بشوية نقول إنها حرب ضد الأقلية الدينية المسلمة…

مين فاهم موضوع بورما صح وسط كل سيول الأخبار و الصور المزيفة؟ الدول اللي حواليها.. عشان كده حصل في 29 أغسطس حاجة غريبة جدا..

بنجلاديش.. اللي بيقولولنا “فاتحة باب اللجوء لمضطهدي ميانمار من الروهينجا” عشان مسلمين و كده.. جيشها عرض على بورما رسميًا المساعدة في التصدي لمتشددي الروهينجا..

و الحقيقة إن اللي هربوا لبنجلاديش مش كلهم مسلمين.. دول سكان راكين.. و فيهم بوذيين و مسيحيين.. هربوا من جحيم الحرب الأهلية اللي عايزة تقسم البلاد من أجل الغاز و من أجل ضرب الصين تحت الحزام..

الأهم بقى إن بنجلاديش رفضت تدخل منهم كتير جدا.. باعتبارهم “مسلحين متخفين”.. بيحاولوا يزرعوا نفسهم في بنجلاديش وسط اللاجئين.. و رجعتهم “راكين”..

دي لينك للسادة “ثوار” ميانمار الأبرياء الطيبين المسلحين بالرشاشات و مضادات الدبابات:

https://goo.gl/wNVZQE

مش عارف ليه المتعاطفين مع مسلمي “الروهينجا”.. متعاطفوش مع مسلمي الصومال.. في الصومال في ناس كل يوم بتحرقها العصابات الإرهابية حية.. في ناس بتتسرق أعضائها و تترمي للجوارح.. في أطفال بتموت من الجوع و ناس بتاكل الحشرات و الجثث.. بس مينفعش إعلام الإخوان يدفعنا نتعاطف مع الصومال طبعا.. عارف ليه؟

عشان هم اللي بيحكموا الصومال.. اتحاد المحاكم الإسلامية.. بالتالي مينفعش يبانوا “وحشين”.. غير إن فيلم “تبرعوا للصومال” حمض و باظ و انتهي.. و مش حيجيب فلوس للجماعة..

ممكن تقرا لينكات الأخبار دي.. من 3 جرائد مختلفة بتمثل كافة التوجهات.. و تقدر تتعمق في البحث عن محتواها.. عشان تعرف انه صحيح..

1 – https://goo.gl/6CoSVr

2 – https://goo.gl/1nNUi8

3 – https://goo.gl/rwQ4G8

في ظلم بيقع على مدنيين؟ بالتأكيد في وسط الحرب الأهلية بيقع ظلم على أطفال و نساء و مدنيين مالهمش أي ذنب.. من الطرفين.. خصوصا من اللي حولوا الموضوع لحرب عرقية “بتؤتي ثمارها” زي ما رغب الأخ “سوروس”..

دا محدش يقبله إطلاقا.. عشان بس مايظهرش حمار ما.. و يقولي انت بتؤيد قتل الأبرياء.. الموضوع كله كشف لحقيقة الوضع مش أكتر..

كل مسلمي بورما مضطهدين؟ لا.. الموضوع مش “مسلمين” و “بوذيين” أصلا.. دي حرب من أجل الغاز و النفوذ السياسي.. بين طرف متشدد مأجور و الدولة.. و في أطراف بتحولها لحرب عرقية على الأرض.. و دلوقتي بتسعي لتحويلها لحرب دينية..

دا خبر من إبريل اللي فات عن بدء خط الغاز بتاع راكين في خدمة الصين:

https://goo.gl/RvnXsq

حرب أهلية فيها طرف مأجور مدفوع عشان يأثر على الصين و استثماراتها.. و صراع دائر بين متشددين من الطرفين عاملين مشكلة حقيقية للدولة..

دي شهادة لمسافر مصري راح بورما.. و صلي في مساجدها عادي:

https://goo.gl/TA5CMt

الصحف العالمية بتقول لنا خبر مؤسف.. إن الأخبار المزيفة و الصور اللي بنتنشر بتوصل لبورما نفسها.. و تشعل نار الفتنة بين الشعب هناك.. و تتسبب في مجازر حقيقية..

يا ريت بقى نخلص من قصص “بورما” و “أين العرب”.. عشان احنا كبار خلاص.. ماتروحش تدعم متشددين.. و تشعل نيران حرب أهلية بصور و أخبار مزيفة.. تزيد الإحتقان و تتسبب في مئات الضحايا و ترجع تعيط عليهم..

قبل ما تنشر خبر أو صورة ابقى ابحث و اتأكد عشان ماتشيلش في رقبتك دم حد…

إقرأ أيضاً: مجازر بورما: صورٌ متداولة لا تعود إلى الكارثة!

السابق
النظام السوري يعترف بالغارة الإسرائيلية ويعلن مقتل جنديين
التالي
المرصد السوري: الموقع الذي استهدفته اسرائيل يخضع للعقوبات الأمريكية