في البرنامج الإذاعي “عقصة دبور” الذي يقدمه الناقد الكوميدي بلال مواس عبر إذاعة الفجر، تمّ التطرق إلى التصريحات الأخيرة للوزير جبران باسيل وما قاله عن طموحه بأن يكون التيار السني الثاني.
إقرأ أيضاً: «عقصة» لـ«جبران باسيل»: غدرونا وغافلونا وطلعوا البيان الختامي .. تحب الله يا سيد سامحنا
وجاء في نص الحلقة:
يا عمي سكتوه .. ميشان الله .. مكفى وموفى .. ملحق على كل الجبهات .. بيعمل 16 مؤتمر صحفي بالتنكة .. بينشر 88 تغريدة بالثانية .. بيطلق 45 موقف بكل حدث .. ولحق إذا فيك تلحقله
شاغل مواقع الفايسبوك .. حارق صفحات التويتر .. هاشتاغاته .. بقصد الهاشتاغات اللي بتحكي عنه من أعلى الهاشتاغات المتداولة يوميا .. ما عم نلحقله .. هو ملحق عالكل .. كل يومين بيطلع من مغطس بينزل بمغطس .. وبيشعل الدني ..ردود .. وتعليقات ..ومواقف .. من كارولاينا وأنت وجاية
مرة بده يكون التيار المدري الشو الثالث .. ومرة التاني .. ولك إذا جماعتك مش هاضمينك .. بدك لسا تجي على طوائف تانية ؟؟ بيرجع قال شو ؟؟ نظر لي فابتسمت فأدرك أنه شأن داخلي .. يا سلام .. عمق عمق بالمصطلحات .. إبداع بالتعابير .. فن بالمفردات
بس بدي أعرف مين محنكه ؟؟ بس دلوني مين معلمه بالسياسة ؟؟ وين متعلم هالإيتيكاتات كلها ؟؟ هلأ أوكيه فينا نشفله إيجابية واحدة .. أنه بفضل هالابداعات .. دايما في حلقات ودايما في شي بينكتب
بس بجميع الأحوال .. بينحب .. ولك إيه إيه بينحب .. والدليل .. أنه رغم مرور كتير من وزراء الطاقة من بعده .. إلا أنه الصيت لا زال إله .. ولا زال كل ما انقطعت الكهربا .. الشعب كل الشعب .. ما بيتذكر غيره !!
#بلال_مواس
#عقصة_دبور
