بعد تداول شائعات عدة حول السيدة فيروز، كتبت ابنتها ريما الرحباني عبر صفحتها الخاصة فيسبوك:
“يا جماعة وفّروا ع حالكن وعليّي!
ما بقى حدا يسألني عن شي إذا مظبوط أو مش مظبوط
لآخر مرّة بعد الألف بقلّكن أي شي مظبوط رح يصدر أوّل شي من الصفحات الرسميّة.
كما وإنّو أي شي ما صدر من الصفحات الرسميّة يعني حتماً مش مظبوط.
ومعناتا بينضم الى قافلة المصادر والمساعي والموثوقة والمقرّبة والإتّصالات والرفيعة المستوى
وتعباية الصفحات واللتلتات والكلام الفارغ والإشاعات.. وكل أسبوعين ذات الخبريّة عن جديد..
انا عندي شي تاني أعملو غير إنّي ضلّني عم إنفي! لذا ما بقى رح إنفي شي.
اللي حابب يفهم عال واللي حابب يضل يصدّق أي خبريّة يسطفل!
بس رجاء ما بقى حدا يسألني لا بالعلن ولا بالمخفي ولا يعملّي تاغ..
لمّا في شي رح ينعلن عنّو متلما لازم ودايماً عبر الصفحات الرسميّة.
وكل ما عدا ذلك كذبة وإنتو بتداولكن إلها عم تخلّوها تصير إشاعة.
وشكراً”.
إقرأ أيضاً: حزب الله يحسم الجدل حول فيروز: فنانة مقاومة وقيمة وطنية!
