عن «الغرابيب السود» وجهاد النكاح وإهمال جرائم الأسد!

في البرنامج الإذاعي “عقصة دبور” الذي يقدمه الناقد الكوميدي بلال مواس عبر إذاعة الفجر، تمّ التطرق إلى المسلسل الرمضاني “غرابيب سود” وما يتضمنه من تشويه للحقيقة.

إقرأ أيضاً: «عقصة» لـ«جبران باسيل»: غدرونا وغافلونا وطلعوا البيان الختامي .. تحب الله يا سيد سامحنا

وجاء في نص الحلقة:

الغرابيب السود .. هنة مجموعة ممثلين ومنتجين وكاتب ومخرج اجتمعوا بعمل واحد .. إسمه الغرابيب السود

مش شغلتي دافع عن حدا .. لأنه كل واحد مسؤول عن نفسه يدافع عنها ولا شغلتي كمان أسكت كمشاهد عن مسلسل مش شايف فيه الا استهداف للدين وللاسلام تحت حجة انتقاد ارهاب أو تطرف
هيدا المسلسل ياللي طبعا ما قدرت تابعته ولكن اضطريت شوف حلقتين تلاتة منه أد ما عم أسمع انتقادات من القريب والبعيد .. من الملتزم والعلماني .. من الكبير والصغير .. أنه موضوع هالمسلسل مش داعش .. لا
داغش .. دا تزوير .. دا افتراء .. دا تشويه .. دا تبييض لصفحة النظام وصفحة الحشد العشبي وصفحات كل المجرمين .. دا انتقاص للاسلام وهجوم عليه .. وممنوع نفتح تمنا أحسن ما نُتهم بالدعشنة .. إيه لا .. اسمحولنا فيها
وأساساً المسلسل كله مبني على فتاوى ما يسمى بجهاد النكاح .. هيدي التهمة الباطلة ياللي استنكرها وأنكرها ورفضها وانتقدها ونفاها كل الكوكب الأرضي
هيدي التهمة ياللي مش موجودة إلا بعقول مريضة هي اخترعتها لتغطي على أنواع تانية من الفساد الموجود بين صفوفهن
هيدي التهمة ياللي اخترعها شخص .. هو سباق بميادين الفساد والافساد والافتراء
كمشاهد ومتلي متل كتار من عدة أوساط .. ما شفت بالمسلسل إلا فقاعة وابتذال واستهزاء بأحكام شرعية .. وبالمقابل إظهار الشعب السوري وكأنه ضحية فقط لهيدا التنظيم .. وغفل أو استغفل أو تعمد يغفل هالمسلسل المجرم الأساسي .. بل المجرمين الآخرين .. وكأنه مش شايف غير مجرم واحد
الغرابيب السود .. صفر انتاج .. صفر تمثيل .. صفر إخراج .. صفر موضوع .. وأهم شي .. صفر رسالة .. صفر كل شي .. وما بظن هنلاقي مسلسل .. أصفر من هيك !!
#بلال_مواس
#عقصة_دبور
السابق
لجنة مهرجانات صيدا الدولية اطلقت مهرجاناتها السياحية لصيف 2017
التالي
ولادة قانون الانتخاب في افطار بعبدا: نسبي في 15 دائرة انتخابية