بما أن طموحنا ببناء دولة مدنية انكسر على أول حيط طائفي تفركشنا في، فخلّينا نرجع نتقوقع بمذهبيتنا لان أحزابنا العجيبة ما الها خبز إلاّ اذا صنفنا بعضنا طائفيا..
اقرأ أيضاً: التمديد للمجلس النيابي يشعل مجابهة طائفية عشية ذكرى الحرب الاهلية
عزيزي المناصر او المناضل: مش اذا ما تحكمت برقبة المرشحين من الطايفة المسيحية يعني رح يبيعوك على اول كوع…
يا الزواج يكون على قناعة او بلا فلسفة بيت الطاعة..
موقفكن من قانون الانتخابات، اذا خايفين شعبية الرئيس عون تروح للقوات اللبنانية بعد عمر طويل، خلليني طمنكن ان مواقفكن العنترية رح بتاخدنا كلنا على يمين جعجع..
فيا ريت النقاش يصير بلا خبث ونعرف عن جد شو مخاوفكن وشو نظرتكن لما بعد بعد الحرب السورية او خلّونا نقسم البلد والله منكيف..
صحيح: انا صرت احكي هيك.. لا عزيزي انت مش غلطان بالصفحة.. اذا انا وصرت مرتدة.. طلع ما في اسرع من قلة ثقتكن بحليفكن.
