في رسالة طريفة راسلت المواطنة هنا بركات رئيس الحكومة سعد الحريري عبر تويتر، تشكو إليه معاناتها اليومية في ما يتعلّق بركن سيارتها.
المواطنة “الشيعية” المؤيدة للتيار الأزرق “للدم” كما تعرّف عن نفسها، تروي “لجارها” الحريري مشكلة مواقف السيارات في بيت الوسط مناشدةً إياه مساعدتها. فهل يستجيب رئيس الحكومة لمطلبها؟
وكانت المفاجئة أن الحريري لم يتردّد بالإستجابة حيث أرسل أحد المعنين لمتابعة القصة.
إذ إستتبعت بركات التغريدة الأولى بتغريدة ثانية قالت فيها “بس بدي خبركن إنه مبارح المسا @saadhariri بعت حدا مشان يعرف شو القصة ووعدنا يساعدنا”.
إقرأ ايضًا: لغة الضاد عند «سعض الحريري» والـ«V» عند نصرالله
وقد جاء في نص الرسالة التي أرسلتها بركات:
“شيخ سعد أول شي يسعدلي هالصباح، تاني شي أنا صح شيعية بس دمّي أزرق سآل مين ما بدك هون..
أمّا بعد..
نظراً إلى إن النبي وصّى بسابع جار ونظراً إلى إني جارتك ببيت الوسط (طلّ من شباك المطبخ هيدي أنا اللي عم أعملك هاي)، إنت بتقبل جارتك كل ما بدها تفوت وتطلع عالبيت تتبهدل كرمال “صفة” السيارة؟ أترضاها لأختك هند؟
ممنوع نصفّ بالباركينغ اللي حد المدرسة الأهلية علماً إنه معظم الوقت فاضي ولازم نصفّ بالباركينغ التاني اللي فوق وندفع ٣٠٠٠ كل ما ضهرنا وفتنا يعني إذا بروح ٤ مشاوير بالنهار مثلاً بدفع ١٢٠٠٠؟ غير إنه بالليل ممنوع نصّف بالـ٢ مما يضطرني إنو صفّ سيارتي بالحمرا عند عمتي وإجي مشي مما يعرضني لخطر الإختطاف وذلك لعدم وجود مواقف قريبة.
شيخ سعد، لقد مللت، لقد مللنا، ميّل شراب فنجان قهوة خلينا نتفاهم.
جارتك المحبة هنا بركات.
رسالة إلى الشيخ سعد @saadhariri pic.twitter.com/Sfs3flrHmk
— Hana Baraket (@HanaBaraket) February 21, 2017
https://twitter.com/HanaBaraket/status/834268955682471936