في البرنامج الإذاعي “عقصة دبور” الذي يقدمه الناقد الكوميدي بلال مواس عبر إذاعة الفجر، تمّ التطرق إلى العملية الجراحية التي أجراها رئيس مجلس النواب نبيه برّي.
وجاء في نص الحلقة:
إذا أكتر سياسي محنك .. وأهضم سياسي .. واللي فاهم الكل وممشاهن على الخط سنكة طق
إذا قائد الأوركسترا وماسك كل العقد والمشاكل
إذا صاحب جلسات الحوار وعراب الصفقات كلها والاتفاقيات كلها
إذا منتج السلل والحلول بكل المفارق والأماكن
إذا اللي صرله بالسياسة عشرات السنين .. وياما مارق تحت راسه أشكال وألوان
إذا كان الأستاذ .. ياللي كل تلاميذ السياسة عم تتعلم منه وتاخد من دروسه
إذا كان رئيس المجلس البرلماني العربي ياللي بيجمع كل الأعراق العربية وتقاليدهم وأفكارهم وعقلاتهم .. ورئيس المجلس البرلماني اللبناني
فقعت مرارته من هالوضع
وفقعت مرارته من هالقوانين الانتخابية اللي رايحة وجاية
وفقعت مرارته من المحاصصات .. وكيف كل واحد بده قانون على قياسه وبده قانون يأمنله أكبر حصة .. وبده قانون .. مفصل تفصيل
إذا هو وفقعت مرارته .. دخلكم هالشعب المسكين شو بده يصير فيه؟؟
كم مرارة لازم تفقع باليوم .. ليعرفوا هالسياسيين . أنه خلاص .. ما عاد ينحملوا ؟؟
بجميع الأحوال .. الحمدلله على سلامته .. والله يقومه بخير وسلامة .. مش كرمال شي .. لأنه هو الوحيد ياللي قادر يفهم على كل زعماء ونواب ووزراء هالبلد .. ويمشيهن على العجين ما يلخبطوش !!
اقرأ أيضاً : داعش يستهدف «سعد الحريري» والقوى الأمنية تحبط المخطط
#بلال_مواس
#عقصة_دبور
