علقت الإعلامية ديما صادق عبر صفحتها فيسبوك على الجدل الذي رافق برنامج “نقشت”، فكتبت تدوينة وتضمنت:
“بلبنان كتير هي البرامج ” الجريئة” بإيحاءاتها الجنسية. ممكن تشوف “القطرميز” ( فادي شربل) عّم يحكي عن هوسه الجنسي بكلمات فظة ليل نهار. عادي، ولا مرة صار مشكل عَل موضوع. فيك تشوف المثليين جنسيا عم يحكونا على مدى اكثر من ١٥ سنة على الشاشة عن حياتهن الجنسية بتفاصيلها (فعلا تفاصيلها الدقيقة)، كمان ما في مشكل. فوجدي ومجدي من اهضم كراكتيراتنا. الشاشة اللبنانية عندها مساحة كبيرة جدا للجنس. ماشي جديد. أسباب هل شي وهل هيدا دليل انفتاح او عقد هيدا نقاش تاني. بس انك تشوف بنت عم تحكي صراحة عن حياتها العاطفية، ورغباتها الجنسية، فبتقوم الدنيا وما بتقعد. المشكلة مع “نقشت” منها مشكلة قيم اخلاقية ضد “الفلتان الجنسي”. وإلا، كانت قامت الحملة على مجدي ووجدي، القطرميز وغيرهن. مشكلتكم مع “نقشت ” هي مشكلتكم مع حرية المرأة بجسدها، نقطة. ممنوع هي تحكي عن رغباتها. الشب هو اللي في. فيكن تصدقوا وفيكن لا، بس بلبنان فينا نسمح للـ”المثلي” يحكي عن حياتو و رغباته الجنسية، بس المرأة بعدنا ما ممنسمحلها”.
