لبنان 2040

كيف سيصبح لبنان في العام 2040 بعد استخراج النفط:
حديث بين شابين سويديين في مدينة ستوكهولم
١-قولك يا ستيفن إذا جبنا فيزا على لبنان ممكن نلاقي شغل؟
٢-تأشيرة لبنان صعبة كتير و السفارة اللبنانية عم تشدد كتير بإعطاء التأشيرات.
١-حلمي سافر على لبنان، المعاشات كتير عالية.
٢-حلم كل شاب بأوروبا السفر على لبنان بس بيبقى حلم.
١-أرض الأحلام لبنان، إيمتى رح هجّ من السويد مش عارف! قولك مزبوط كل الناس أغنياء بلبنان؟
٢-شو أغنياء؟! الليرة اللبنانية ضربت الجنيه الإسترليني يا زلمي، اللبناني معه مصاري مش عم يعرف كيف يصرفها.
١-فكرتي إني إتعرف على بنت لبنانية عالفيسبوك و إتزوجها و ساعتها ممكن تعطيني الجنسية…
٢-هي فكرة حلوة، بس نحنا أوروبيين و اللبنانيين شايفين حالن و ما بيقبلوا يتزوجوا مننا.!!!
١-يا زلمي لبنان عم يعطي مساعدات لدول الخليج العربي و أمريكا، مش قادرين يعطونا مساعدات كرمال نحسن وضع بلدنا؟؟!!
٢-إنسى يا صاحبي ، حتى يللي عم يسافر على لبنان من عنا ، الكفيل اللبناني عم يبيع و يشتري فيه.
#*…و يقطع الحديث خبر عاجل على التلفزيون السويدي :
…غرق مركب إيطالي للهجرة غير الشرعية قبالة قبرص على متنه ١٠٠ شاب من فرنسا و ألمانيا كان متوجها” إلى بيروت.

آخر تحديث: 11 يناير، 2017 8:48 م

مقالات تهمك >>

ننصحكم >>