عقصة لبيار الضاهر والـ «lbci»: العمليات ضد العدو الصهيوني .. هي إرهاب!

في البرنامج الإذاعي “عقصة دبور” الذي يقدمه الناقد الكوميدي بلال مواس عبر إذاعة الفجر، تمّ التطرق إلى تقرير المؤسسة اللبنانية للإرسال الذي ساوت به بين أعمال المقاومة الإسلامية في فلسطين والهجوم المسلح في انقرة.

إقرأ أيضاً: «عقصة» لـ «الإعلام»: ممكن تعملوا السبعة ودمتها .. تحت إسم «السكوب»!!

وجاء في نص الحلقة:

لاه يا بيارو لاه .. ما حبيتها منك .. ما حبيتها بنوب .. بنوب بنوب .. عم تصنف عمليات المقاومة الاسلامية إرهاب؟؟ يعني فهمنا .. كل شي بيطلع بوجكن إله دقن .. إرهابي .. ما اختلفنا أنه كل مين بيلبس عباية .. إرهابي .. مسلمين معكم .. أنه كل واحد من منطقة ما ذات أغلبية ما .. فهو إرهابي
بس الكل أجمع .. الكل هاه .. بما فيهن ياللي عم يتاجروا بقضية القدس وقضية فلسطين .. أجمعوا كلهن على أنه اللي بيقاوم المحتل الصهيوني .. فهو مجاهد بطل .. هو مقاوم شريف
يا بيارو .. حلو الواحد يحفظ الجميل .. وخصوصي إذا كان من الثمانينات .. بس الأحلى .. أنه يشوف حاله هلأ وين صار .. الوضع تغير .. الارهاب الحقيقي .. يا شيخ .. هو اللي كان يتمارس على الحواجز الميليشياوية .. الإرهاب المظبوط يا قبضاي .. هو اللي رافق المحتل الأمركاني بكل تحركاته أثناء غزوه للعراق .. الارهاب الحقيقي .. هو أنك تشوف اللي عم يدافع عن أرضه وعرضه إرهابي .. صاحب الأرض .. بوجه أي محتل .. بعمره ما بيكون إرهابي
ما بعرف شو قصة بعض المحطات مع فلسطين .. من مدة .. بعرب آيدول .. وهيدا البرنامج بيطلع على قناة .. أم بي سي .. كانوا حاطين خريطة للشرق الأوسط .. ومطرح فلسطين كاتبين إسرائيل … واليوم ال بي سي .. عم تقللي أنه العمليات ضد العدو الصهيوني .. هي إرهاب
كلمتين مختصرين .. للام بي سي .. والال بي سي .. شو ما حطيتوا حروف قبل البي سي .. ما رح يتغير أي شي .. شو ما عمل البسين .. رح يضل بي سي .. إلا إذا فكر يستعمل تفكيره شوي ويغير الحروف وبدل البي .. مثلا .. حط دبليو .. ممكن يصير الفكر ياللي عم يستخدمه إسمه “دبليو سي ” !!

#بلال_مواس
#عقصة_دبور

السابق
وئام وهاب: هكذا بلغت الحقارة ببعض الدول الخليجية!
التالي
نديم قطيش عن خالد العبود: سوريا ليست بحاجة حزب الله وحزب الله فشل فدخلت روسيا!