بالصوت.. عقصة لـ«حسون»: يا سوريا هو ليس مفتيك، هو عراب اغتصابك وتدميرك

في البرنامج الإذاعي “عقصة دبور” الذي يقدمه الناقد الكوميدي بلال مواس عبر إذاعة الفجر، تمّ التطرق إلى زيارة مفتي سوريا أحمد بدر حسون إلى لبنان.

وجاء في نص الحلقة:

“قال جاية لعنا .. هيك سمعنا والله .. مفتي الدماء السورية مشرفنا.. كبير سحرة فرعون الشام معذب حاله وقايم بواجبنا .. كأنه لبنان ناقصه مصاصي دماء ليجيهن واحد جديد ..
صاحب أكبر لفة بيضا .. عفوا .. بقصد سودا .. لالا .. بقصد حمرا .. ولا قلكن .. بقصد ال3 سوا .. بيضاء شكلها .. سوداء فكرها .. حمراء فعلها ..
مفتن النظام السوري .. مفتري النظام السوري .. ياللي لولاه ما ظلموا .. ياللي شغلته فقط يعطي الفتاوى لنظام القتل والتدمير .. ابن حلب .. المش بار .. ابن حلب العاق .. يا حلب .. إنه ليس من أهلك .. إنه عمل غير صالح ..
يا سوريا .. هو ليس مفتيك .. هو عراب اغتصابك وتدميرك .. ما بينطبق عليه عبارة بئس العلماء على أبواب السلاطين .. لأنه أولا مش عالم .. وتانيا هو مش على أبواب السلاطين .. هو بأحضان السلاطين .. سلاطين الاجرام والخسة والندالة ..
لبنان .. بيتشرف بكل سوري بيزوره أو بيلجأ إله .. بس مش أي سوري .. لالالا .. مبلى بأي سوري .. لأنه أي سوري .. هو سوري حر .. أما الصنف الآخر .. فهيدول مش سوريين .. هيدول لا ينتسبون إلى سوريا .. هيدول ينتسبون إلى فرعون .. إلى نمرود .. إلى طاغية .. استلبصوا على البلد وعلى إسم البلد ..
عاجلاً أم آجلاً .. رح تنضف سوريا من هالنماذج بإذن الله .. ومن هون لوقتها .. كل ما تشوفه حدا منهم .. قولوا : اللهم إنا نعوذ بك من الخبث والخبائث !!

#بلال_مواس
#عقصة_دبور”.

إقرأ أيضاً: نديم قطيش يرحب بـ «مفتي النظام» على طريقته: «النعل حسون»!

 

https://www.youtube.com/watch?v=Vujcuq-Qopo&feature=youtu.be

السابق
اسرائيل تنشر صورة لبنك أهدافها ضد حزب الله.. آلاف المواقع!
التالي
إسرائيل قصفت مطار المزّة ولم تقصف طائرات الأسد!