في البرنامج الإذاعي “عقصة دبور” الذي يقدمه الناقد الكوميدي بلال مواس عبر إذاعة الفجر، تمّ التطرق إلى حلب والمجازر التي يقوم بها النظام السوري وحلفاؤه.
إقرأ أيضاً: بالصوت.. عقصة لـ«استعراض السرايات»: عروض عسكرية خارج لبنان وداخله، وما بيسترجي حدا يعترض
وجاء في الحلقة:
“فرق كبير بين عنا وعندهن .. فرق كبير بين أي مكان وعندهم .. فرق كبير بين كل العالم وبين حلب .. عنا الدني عم تشتي مي .. عندهن الدني عم تشتي صواريخ وبراميل متفجرة .. عنا البرق عم يخطف الأبار .. وعندهن لمعة الانفجار عم تخطف الأرواح .. عنا الرعد إيذانا للأراضي العطشى أنها رح ترتوي .. عندهن الرعد بيعني صوت انفجار سبب الدمار والخراب .. عنا الطرقات عم تطوف بالمي .. وعندهن الشوارع طايفة دم .. عنا ممكن تحمل شمسية .. وتحمي حالك من قطرات المطر .. عندهن ما في شي بيحميهن أو يمنع عنهم زخات الحقد والكره والموت.
شو ممكن نقول أو نحكي عن حلب .. وعن اللي عم يصير بحلب .. وحتى لو حكينا شو رح ينفع الحكي؟؟ شو الفايدة وكل يوم مجازر عم ترتكب بأهالي حلب ..
آلاف المدنيين .. مدنيين .. شو ذنبهن؟؟ ليش أصلا لينقصفوا ؟؟ وين مجلس الخوف ؟؟ وين جماعات حقوق الانسان ؟؟ وين الدول العربية ؟؟ وين تركيا ؟؟ وين الفصائل الموجودين خارج حلب ؟؟ شو ناطرين ما يضغطوا ؟؟ شو منتظرين ليتحركوا ؟؟ حلب تباد .. والعالم كله .. بلا استثناء .. شيطان أخرس !!
شو ممكن نقول أو نحكي عن حلب .. وعن اللي عم يصير بحلب .. وحتى لو حكينا شو رح ينفع الحكي؟؟ شو الفايدة وكل يوم مجازر عم ترتكب بأهالي حلب ..
آلاف المدنيين .. مدنيين .. شو ذنبهن؟؟ ليش أصلا لينقصفوا ؟؟ وين مجلس الخوف ؟؟ وين جماعات حقوق الانسان ؟؟ وين الدول العربية ؟؟ وين تركيا ؟؟ وين الفصائل الموجودين خارج حلب ؟؟ شو ناطرين ما يضغطوا ؟؟ شو منتظرين ليتحركوا ؟؟ حلب تباد .. والعالم كله .. بلا استثناء .. شيطان أخرس !!
#بلال_مواس
#عقة_دبور”.
