بعد اتهامه برنامجه بالعنصرية المخرج يرد: كل همّي وصل الضحكة لبيوت الناس

بعدما انتقدت الإعلامية ديما صادق عبر صفحتها فيسبوك برنامج “هدي قلبك” ردّ عليها مخرج البرنامج مرسال خضرا بتعليق وجاء به:

“اول شي مرحبا ، انا مرسال خضرا مخرج ومعد ومنفذ برنامج هدي قلبك يلّي عم ينعرض عال OTV..
حابب احكي كلمتين للأعلامية ديما صادق
انا شخص من المعجبين فيكي بأدائك وبسقافتك بنشرة الأخبار ، ست ديما انا ما بعمل ضروبي بحداً الأصحاب هيي بتجي لعنا تتعمل ضروبي ببعضا .. وهون بيجي وقتنا نحنا ناخد كل المعلومات عن الضحية ونتأكد عن صحة الضحية وما بعاني من اية مرض معيّن ، ومش الهدف عندي انو خلّي الضحية مسخرة للناس كل همّي وصل الضحكي لبيوت الناس الي عم تحضرنا .. وتأكيداً على هيدا الشي لما انا بنهي الضرب تحت الهوا بحكي الضحية اذا ما بدو يعرض الضرب ما بينعرض واذا وافق اكيد بينعرض ،يعني بمختصر مفيد اذا صاحب العلاقة راضي انو ينعرض الضرب كيف ما كان نحنا هون ببطل النا حكي ..ديما انا بحترمك وبحترم صفحتك وبحترم كل شخص علق على هيدا الصفحة وبرجع بأكدلك ست ديما نحنا ما شغلتنا نخلّي الضحية مصخرة نحنا كل همنا نخلّي هالضخكي تفوت ع كل بيت لأنو الناس بكفيها فقر وتعتير ومشاكل بهالبلد ..
برجع بقول وبكرر اني انا انسان معجب بشغلك كتير ومش حإزعل عاللي انكتب عني لأنو نحنا ببلد ديموقراطي فينا نكتب اللي بدنا ياه ..”.

إقرأ أيضاً: ديما صادق للـ«otv»: أي جنون هذا و اي حقد و اي كفر الذي اوصلكم إلى هنا؟!