في البرنامج الإذاعي “عقصة دبور” الذي يقدمه الناقد الكوميدي بلال مواس عبر إذاعة الفجر، تمّ التطرق إلى المجزرة التي نفذها النظام السوري والروس.
وجاء في الحلقة:
“حاص العدو السوري والروسي .. حاص كتير .. وقرر أنه يقصف الإرهابيين .. وقرر أنه يقتل المتطرفين، قرر أنه يدمر المتمردين، فتوجهت طياراته وصبّت براكينها على قرية “حاس” بريف إدلب الجنوبي.
رميت براميلها المتفجرة، ومظلاتها الحارقة، على حي شعبي مؤلف من عدة مدارس، ليقتل التلاميذ، الأطفال الأبرياء ياللي رغم الحرب جايين يتعلموا
جايين ليدرسوا إرهاب الرياضيات، جايين يدرسوا المتفجرات وكيفية تركيبها بحصة العلوم، جايين ليحملوا الفكر المتطرف من ساعة التاريخ، جايين يدرسوا الخطط الاستراتيجية الهجومية من خلال مادة الجغرافيا.
هيدول مش لازم يعيشوا .. هيدول بوكرا بيكبروا، وبيتحولوا لرجال .. رجال ترجع تبني سوريا، ياللي خربها ودمرها النظام السوري مع حليفه الروسي .. ومعهن الجلب الايراني واللبناني.
ورغم الحقد ياللي انقتلوا فيه .. بتلاقي في إيد طايرة لوحدها .. بس ماسكة شنطتها المدرسية، وكأنها عم تقول للارهابيين والمجرمين القاتلين .. سلاحكم وبطشكم وجبروتكم .. مش رح يمنعونا أنه نكفي حياتنا بمن تبقى .. ورح يضلوا يتعلموا حتى لو شقفتونا .
صحيح يا طفل سوريا .. أنك مش من اليمن حتى يذرفوا عليك دموع التماسيح .. أنت مش من اليمن .. لذلك مش شايفينك بعينهم التانية .. واللي بيشوف من عين واحدة .. بيكون “أعور” واللي بينافق بموقفين من نفس الحدث .. بيكون “دجال” !!
#بلال_مواس
#عقصة_دبور”.
