في ظلّ ما واجهه الرئيس سعد الحريري مؤخراً من انتقادات وهجوم إن لمواقفه أو لأزمته المالية، كتب الصحافي في موقع المستقبل يوسف حسين عبر صفحته فيسبوك عدّة نقاط عرّف من خلالها من هو الحريري، وتضمنت:
“يلي بدو يعرف مين سعد الحريري ويلي عم يصير الجواب عندي:
١- سعد الحريري هو الانسان يلي خسر اكتر من نصف ثروتو رغم انو هو يلي حقق النجاح لشركة سعودي اوجيه وساهم بزيادة ثروة الشهيد، خسر لانو قبل يتحمل مسؤولية التضحية من اجل نهج رفيق الحريري ومشروعه ومن اجل هذا البلد..
٢- سعد الحريري هو الشخص المتواضع الحنون الطيب الصادق المتسامح يلي كان بيتو مفتوح لكل الناس، للاغنياء والفقراء، من رجال دين وسياسيين ومحامين ومهندسين وأطباء ومدرسين وعاملين من الحداد والنجار لعامل النفايات وما فرق بين حدا من الناس..
٣- سعد الحريري هو الانسان يلي حوصر ب ٧ ايار وتم قصف قصره بالصواريخ ورفض انو يعطي حدا بتيار المستقبل قطعة سلاح لانو ما بدو يحمل نقطة دم برقبتو وقال للناس تعو اقعدوا معي بالقصر، ما رح حطم مشروع والدي الشهيد..
٤- سعد الحريري هو الانسان يلي أسقطت حكومته بوقت كان عم يأمن الخير للبنان وعم يجول العالم لمصلحة البلد ويلي رفض يكون بحكومة إعدام الوطن يلي تشكلت من دونه..
٥- سعد الحريري هو يلي بعد عنا بسبب التهديدات الأمنية يلي تعرضلا، يلي ساعد اللاجئين والضحايا السوريين بالثورة السورية ومن دون اي مقابل..
معقول نسينا دموع سعد الحريري كرمالنا وكرمال مصلحتنا؟ نسينا فضله علينا وعالبلد؟ نسينا قديه تحمل وحارب وكافح وخسر منشان ما حدا منا يقول ” منفديك بالدم” ؟
كان يجاوبنا دايماً “انا يلي بفديكم بالدم” .. بس اليوم نحن رح نقول يا دولة الرئيس #بالدم_منفديك”.
إقرأ أيضاً: من يستطيع منع رئاسة الحكومة عن الحريري يستطيع الإتيان بعون رئيساً
