في البرنامج الإذاعي “عقصة دبور” الذي يقدمه الناقد الكوميدي بلال مواس عبر إذاعة الفجر، تمّ التطرق إلى الأحداث الأخيرة،
إقرأ أيضاً: عقصة لـ «المرشد»: لكل مقامٍ مقال،وأنت عندك مقامات بسوريا عم يتقتّلوا كرمالهم
وجاء في الحلقة:
“له يا وزير يا سابق له .. ما لقيت تعلق إلا مع مجدل عنجر؟؟ ليكون قطع ببالك أنه المركز اللي كنت تزوره بعنجر لتاخد الرضا والقبول قريب وبيشبه مجدل عنجر؟؟؟
له يا وزير يا سابق له، قوم .. فيق .. إعرف حالك مع مين علقان .. هيدي مجدل عنجر هيدي .. قصبع أقصر وأصغر طفل بيحملك وبيشيلك من أرضك .. قصبع واحد .. قصبع بس .. بيعمل مقامك مفروم متل البقدونس، إذا هالطفل قرر يتسلى فيك رخ تلاقيه أقوى وأقدر من أكبر راس مرافقك أنت أو أنت مرافقه .
بتقلي شغلة فاضية وقصبع ديناميت وشغلة ولدنة؟؟ إذا اللي عندك ولاد، ولك مجدل عنجر ما فيها ولاد .. مجدل عنجر كلها رجال .. إذا مرافقك مجرم .. فاللي حاوي مجرم، مجرم متله.
اسمعني منيح شو عم قول .. اليوم خصصتلك الحلقة، لنبهك وقويلك نظرك لتقشع مظبوط .. مجدل عنجر، اللي ما قدر عليها أسيادك القابعين بالشام، ما رح تقدر عليها لا أنت، ولا الأولاد اللي حواليك.
قوم .. قوم من هون .. والتهي بـ “كوندي” طعميها كورنفلكس .. وشرّبها حليب نيدو .. يمكن تصير تقدر تعرف شوي معنى الوفاء.
فيا وزير يا سابق، ما تعمل بتغريداتك وردودك جلقة، لأنك مش واعي منيح بعد مع مين العلقة .. وإذا كنتوا تتفاهموا من زمان أنت وأسيادك مع الناس بفلقة .. فمجدل عنجر هي أتقى وهي أرقى وهي أنقى .. من إني أكفيها بحلقة .. لأنها هي فوق دايماً بالعلالي .. وأنت بأسفل الوادي بتبقى !!
#بلال_مواس
#عقصة_دبور”
https://www.youtube.com/watch?v=oZMcAl42CEQ
