في البرنامج الإذاعي “عقصة دبور” الذي يقدمه الناقد الكوميدي بلال مواس عبر إذاعة الفجر، تمّ التطرق إلى التصريحات الأخيرة التي أطلقها المرشد الأعلى للجمهورية الإسلامية ضد السعودية والسعي لتسييس الحج.
إقرأ أيضاً: بالصوت.. عقصة للمشاركين في «أهل السنة» في الشيشان: بيشبهوا كتير من حيث الفكرة الراقصين والراقصات
وجاء في الحلقة:
“يا جماعة الخير، بدي أحكيلكم حكاية مرشد، هيدا مرشد من بيت الأعلى، مرشد الأعلى، إيه هيك إسمه، أنتو شو خصكم؟؟هيدا مرشد، حياة قلبه التنبك الإيراني، الأصفهاني .. بيموت فيه .. بيحبه .
المهم هاد مرشد الأعلى، عنده مشكل مع الحج، يا خي بيغار منه، مقهور منه للحج، هيجن منه للحج.
مرشد الأعلى، حط كل تقله لياخد اللقب من الحج، إنه إيه يا أخي، هيدا الحج اللي حج، نحن أحق منه بإدارة الحج.
والله يا مرشد، ما بعرف شو بدي قللك، بس ليك يا عيني، ما حابب تحج مطرح الحج العادي، بلاها لو أخي بلاها يا زلمة، لشو لتحج هونيك؟؟
بدك تحج؟؟ قم .. إيه نعم .. قم .. قم وقول ما بدي حج هونيك، ما عجبك شكل الحجيج وهنة عم يتوافدوا بالملايين؟ مش مشكلة .. غض بصرك شوي .. وشوف مشهد .. إيه إيه .. مشهد مشهد .. من شو بيشكي يا مرشد الأعلى؟؟
يا حبيبي .. قم .. ومشهد .. على كيفك ركبه، بعدين بلاها .. بدهن يربحوك جميلة هونيك، وأنت آخد موقف، وحردان، يستر عليك .. بلاها .. بلا الحجة هونيك.
ومتل ما بيقولوا .. لكل مقامٍ مقال، وأنت معروفة .. عندك 50 ألف مقام .. شوي منهم بسوريا، عم يتقتّلوا كرمالهم ..
لذلك، لا تنقهر ولا تزعل ولا تنحرّ .. بلاد الحرمين .. بتحكي عربي، وبترحب بكل الحجيج .. فإذا منتظرها ترحب فيك بشكل خاص وتقلّك “خوش آمديد” إيه بدك تنتظر كتير .. بدك تنتظر الوقت المديد !!
#بلال_مواس
#عقصة_دبور”.
https://www.youtube.com/watch?v=IAsP33gtmMA
