في البرنامج الإذاعي “عقصة دبور” الذي يقدمه الناقد الكوميدي بلال مواس عبر إذاعة الفجر، تمّ التطرق إلى تصريح الوزير السابق وئام وهاب حول الـ 100 صاروخ.
إقرأ أيضاً: بالصوت.. عقصة لـ«البلدية»: وين المدافعين عن البيرة؟!
وجاء في الحلقة:
“لدى وئام مجموعة من الصواريخ، وئام قال إن كل متر تدخله القوات التركية إلى سوريا، سينزل 100 ألف صاروخ من سوريا على تركيا.
قامت القوات التركية بالدخول إلى جرابلس، فكم سينزل من الصواريخ على تركيا من سوريا؟؟ علماً أم جرابلس تبعد 8 كلم عن الحدود السورية التركية؟
طيب خلينا بالأول نحسب المسافة بين جرابلس والحدود عالمتر، 8 كلم، وكل كلم بيطلع 1000 متر، يعني عم نحكي ب8000 متر، طيب هيدي حسبنا المسافة، باقي علينا نحسب الصواريخ، إذا كل متر 100 ألف صاروخ .. ع8000 متر .. بيطلع معنا 800 مليون صاروخ لازم ينزلوا على تركيا من سوريا.
طيب، تركيا فيها حوالي 75 مليون نسمة، يعني كل مواطن تركي رح يطلعله أكتر من 10 صواريخ حصة من هالمجموع.
يس !! مبروك مبروك مبروك .. مبروك للشعب التركي وثقة الصواريخ من وئام، ولك يحرق حريشك ملا وئام .. ولك من وين بيطلعوا معك ؟؟ 100 ألف صاروخ ؟؟ وكاش ؟؟ دفعة واحدة وعلى كل متر …؟؟؟
ولك أساساً تركيا كلها مساحتها حوالي 784 ألف كلم مربع .. يعني بكل متر مربع صاروخ .. وهاد بيضل معنا 16 مليون صاروخ ما إلهن مطرح .. لالالالا .. لسا في صاروخ كبير ما حسبناه .. تصريحك .. نعم .. تصريحك أكبر صاروخ عابر للقارات !!
بس بتعرفوا يا جماعة، كل ما قول وئام، لا يروح فكركم لبعيد .. أنا بقصد وئام الصعيدي .. الله يوجهله الخير، هاد اللي أخرج جونكار وغرندايزر والرجل الحديدي ورعد العملاق .. لأنه هيدول الوحيدين ياللي ممكن يلتقى عندهم هالكمية من الصواريخ !!
#بلال_مواس
#عقصة_دبور”
