في البرنامج الإذاعي “عقصة دبور” الذي يقدمه الناقد الكوميدي بلال مواس عبر إذاعة الفجر، تمّ التطرق إلى مجزرة تل الزعتر.
وجاء في الحلقة:
إقرأ أيضاً: بالصوت.. «عقصة» لـ«قنديل»: المعارضة استغلت صلاة الجمعة وشنت الهجوم بحلب!
“قال بيقولوا الزعتر كتير مفيد للذاكرة .. بيقوّي الذاكرة وبينعنشها .. وخصوصي .. لما نتذكر تل الزعتر ب12 آب 1976 يوم اللي ارتكبت شبيحة النظام السوري مجزرة ب20 ألف فلسطيني و15 ألف لبناني متحصنين داخل المخيم.
هيدا النظام وحلفاؤه ياللي شبّعونا وغرّقونا بشعارات الممانعة وتسميات فلسطين والقدس والانتفاضة .. هيدي الممانعة ياللي أول مين غدر وقتل الفلسطينيين وكان صاحب أجمل وأروع وأهدأ جبهة .. جبهة الجولان .. على مدى أربعين سنة، ولا طلقة لا بالقصد ولا بالغلط .. وخمس سنين الثورة، صارت الممانعة ضاربة أكتر من مليارين طلقة على شعب هو صاحب الأرض!!
نظام قدر يخدع ناس كتير وكذّب الكذبة وصدقها ولليوم في ناس معمي على قلوبهن ولساتهن مصدقين كذبة المقاومة والممانعة عند هالنظام وحلفاؤه .. بالوقت اللي ورّث الأب الاجرام والغدر لإبنه .. ليكمل مطرحه على نفس المنهاج .
بدل فلسطين، عملولنا فرع فلسطين، وبدل القدس عملولنا فيلق القدس، وبدل الانتفاضة، فتحوا دكاكين !!
12 آب 1976 لغاية 12 آب 2016 … أربعين سنة .. الضحية واحدة .. والجزار واحد !!
#عقصة_دبور”
