ان السبب الذي جعل الاستاذ محمد حمادة يتعرض للضرب انه دافع عن العمال السوريين الذين كان يشترك معهم في الانتقال بالفان كركاب على باب الله.. وهذه هي قصته كما رواها على صفحته في الفايسبوك:
إقرأ أيضاً: أموال بلدية صير الغربية لخدمة حزب الله حصراً
“دخلك بتعرف انو اذا مرقت ع حاجز لاحد الاحزاب ع باب الضاحية يلي بيجي بعد حاجز الدرك ب ٣٠ ٤٠ متر ،وشفت شي وعبرت عن رأيك بتاكل بهدلة واذا جاوبت عالبهدلة بينفتح الفان وبينمد الايد عليك؟
وللصدفة ما نخزق غير هاي الصفحة من الكتاب يلي كنت عم بقرأه 🙂
#حواجز_زعران_الاحزاب☺️☺️
بالتفاصيل ،انا وراجع عالبيت بالفان من ميلة الليلكي، بقومشاب بوقف الفان وبقول كل السوريين يدفعوا لصاحب الفان وينزلو (من دون ما يشوف ووراقهم ولا شي) بقوم واحد بقلو انا كل يوم بمرق من هون والشباب كلها بتعرفني ، قلو اي نزال معليش ودفاع، بطلع لورا انا مصدوم من طريقة الحكي مع انو مش اول مرة بتصير قدامي ،بتجي عيني بعينو بيزقر بزقر، بقلو بس عفوا في شي؟ بقلي انت عم تطلع في شي؟ قلتلو عم بتفرج قال ع شو قلتلو ع الظلم والاستبداد يلي عم يصير قدامي، قال وين شايف ظلم واستبداد قلتلو انك تنزلو من الفان ودفعو من دون ما تسألو او تشوف بركي وراقو قانونية حتى وترجع تفلتو ليفقع مشوار لياخد فان تاني ويرجع يدفع، قام قال مش شغلك وما خصك ، قلتلو اكيد خصني اذا شفت ظلم قدامي، قام وقف الفان ياليمين وراح عيط لمسؤولو يلي شرحتلو وناقشتو وقلتلو ظلم واستبداد هيدا ومشي الحال برواق، بقوم الشاب بقلو لصاحب الفان “ما بقى طلع هيك شكالات معك” قلتلو احترم حالك اعمل معروف ، بقوم بصير يسمع حكي بيناته ” بلا اخلاق” “ليك منا عالم” بجاوبو وبقلو انت يلي بلا اخلاق بقوم بعصب وبيهجم عالفان بيفتح الباب وبمد ايدو واكيد ما حدا قرب منهم انا يلي شلتو عني ، ونحنا وفالين بقلي عطيني رقمك (عم يهدد) فعطيتو عنوان البيت ليشرفنا اكيد”.
إقرأ أيضاً: ناشطون يعلقون على حرمة مشاهدة الرجال في «عيترون»
