لما كنا زغار بالضيعة، كان بيي عطول يعلمنا انو بس نشوف حدا عالطريق او بالدكان او بس نروح حيلا مطرح اول شي لازم نعملو هوي نقول صباح الخير، نهاركم سعيد او مسا الخير، باعتبار ما كان في وقتها دارج البونجور والبونسوار والهاي…المهم من وقتها مين ما بشوف حتى اذا فايتة ع بناية اول مرة وفي ناطو واقف او طلعت بالاسانسير وفي حدا لو ما بعرفو بقول بونجور او مرحبا او الذي منه…. لان بحس انو قلة ادب ما قول مرحبا وما رح اخسر شي…
مناسبة الحديث، هول المساطر اللي بتفوت عوينات الشمس بايد وكباية النسكافيه بايد تانية وبتمشي بقاعة طولها 10 امتار وفيها ناس … اللي بيدقلك عالتلفون بدو شغلة او بيرد وقت تكون بدك تخبرو باطار العمل او العيلة او …..اللي بيشوفك قاعد مع حدا بكافيه بيجي بيسلم على اللي قاعد معك، ومن دون ما يقولوا مرحبا.. هول باختصار شديد من الاخر قليلين الادب …. 🙂 نهاركم سعيد
