مع العلم مش مشغول بالي كتير عليه بيدبر حالو والله ما بيقطعها بوجه، انسان مثقف خبرة سياسية محامي عاطل عن العمل بعد كم شهر، المهنة السابقة رئيس جمهورية الولايات المتحدة الاميركية باراك حسين اوباما ومن أصول افريقية مسلم يتناسب وضعه مع محيطنا والمساعدة واجبة على طريقة ارحمو عزيز قوم ذل وغني افتقر.
بالامس دعا اوباما للعشاء الاخير وحشد رجال السياسة والمال الاميركيين عله يجد فرصة عمل ولكنه قدم ال cv تبعه غلط، حيث قال انه اتى للرئاسة وكان مفعم بالشباب والحيوية ولكنه لم يتمكن من انجاز شياء يعني اعلن فشله فا يا ريتشي حرامي من عنا بيعطي شي وظيفة مستشار بوزارة.
حرام مسكين صاحبنا اوباما بدل ما يعمل رئيس باميركا ويخلص قاعد بالبيت مش كان احسن يعمل وزير بلبنان وبالتالي كان أمن مسقبله لولد الولد.
إقرأ أيضًا: سوريا وجناية اوباما
احسن شي المسؤول ببلدنا بتلاقي ال cv تبعو كلو إنجازات، هيدا عمل بحيرة او رقع طريق اوعمل مزبلة رمم مدرسة، جدد مستشفى والناس بتزقف وهوي مربح حالو جميلة وماشي متل الطاووس ونص عسكر البلد مرافقة لجنابه، ما بعرف ليش الأمن تبعنا مقطوع قلبهم عليه دخلكم يعني مافي متلو ومنتشحر اذا صرلو شي ما البلد قد ما فيه حرامية عنا استعداد نوزع على الكرة الأرضيه واذا بدكن عنا بيضل فائض نبعتهم على العالم الخارجي في حال اكتشاف عالم عايشه بها الكواكب.
يعني انجازات وزرئنا ما بتخلص كتير مهمة والدليل ان البلد كل يوم لورا وبعدين كيف بدو يسرق اذا ماعمل هالشغلات البسيطة، نص اله والنص للمتعهد
وعلى فكرة مافي تسكير جورة بالبلد الا للسرقة والسرقة دايري وكلنا صرنا منعرف شو الطريقة.
إقرأ أيضًا: درس اوباما السعودي
بس حارقني قلبي على اوباما اللي ما فكر قبل ما يعمل رئيس باميركا يزور لبنان ويعمل دورة تاهيلية عن كيفية سرقة الشعوب، اولكم عم ياكل صابيعه ندامة، فكرت فيها لقيت الاسلم يبقى بلا شغل لنربي فيه باقي العالم ليشرفو يتخصصو.عنا وهيك منعزز الدخل القومي ومننشر ثقافة الفساد ولا فخر.
