«تالاسا» و «النكتة اللبنانية»… تعليقات إلى «بو صعب»!

تأخرت تالاسا عن موعدها “اليوم” لتؤكد الأرصاد الجوية وصولها مساءً واشتدادها غداً، هذه العاصفة الثلجية الوافدة إلينا من شمال شرق أوروبا والتي ذكرت العديد من المواقع الالكترونية أنّها الأعنف منذ 1992 وتفوق كل التوقعات، تزامنت مع تحذيرات الوقاية وإرشادات عن كيفية التعامل مع هذا “الضيف القارس”.
الحذر من العاصفة الوافدة وصل إلى الدفاع المدني إذ لفتت المديرية العامة إلى ضرورة إلتزام الحيطة والحذر والإمتناع عن التنقل خلال أوقات إشتدادها إلا عند الضرورة مع تأكديهم أنهم في حالة تأهب تام.

إقرأ أيضاً: من بعد فلاديمير و أورسولا… رحبّوا معنا بـ «تل عمارة»!
إذاً “تالاسا” ذات الإسم اليوناني (حسب ما ذكر البعض) والتي ترجمتها عاصفة البحر أصبحت على أبواب لبنان والكل “عاملها ألف حساب”، لتطلب بعض المواقع الإخبارية المناطقية من الأهالي التزوّد بالمواد الغذائية والتدفئة؟
فكيف استقبلت الشعب الفيسبوكي والتويتري هذه العاصفة، وماذا كنت حصّة وزير التربية الياس بو صعب من هذه التعليقات؟

Esra Hannoun

هل من المعقول ان يُطلق على العاصفة الثلجية القادمة اسم ‫#‏تالاسا‬ في لبنان و ‫#‏نعمة‬ في الأردن؟
ليش طَ؟ هلا صح انا ما بعرف شو يعني تالاسا بس يعني لطيف الاسم و كوول و مودرن و يحوي على شيء من السقاعة او البرودة بما يتناسب مع هيك عاصفة.. ولا لا يا جماعة الخير!
أصلاً مش مهم الإسم.. المهم نعطل
و كل نعمة و احنا و انتو بخير..

غالب بلادي

عاصفة تالاسا تعني باليونانيه عاصفة البحر .

عاصفة
Tony Abi Najem

 

بعيدا عن السياسة شو أخبارو وزير التربية؟ شو رح يعمل بهالعاصفة بموضوع المدارس؟ رح يسكرها او زعلان لأنها “تالاسا” ومش “جوليا”؟ أو معاليه ملهي بمؤتمر “دافوس” وما معو خبر؟ جمعة عطلة وتلج مش غلط…
بعرف نتيجة هالسؤال رح آخد شعبية بأوساط التلاميذ بس ما تعتلو هم ما رح أترشح عالانتخابات النيابية لأنو الأهل رح يقبروني

سالي

بدل ما تسمو العاصفة “تالاسا” كنتو ختصرو وسموا سالي
انو ‫#‏مش‬ معاجبكن اسمي او كيف

Jawad Ph Kfoury

ثالاسا ومعناه البحر باليونانية تتهدّدنا … فلنكن أكثر وعيا ونتّخذ الحيطة والحذر وما هي سوى ساعات أو أيام قليلة وتمضي… فالمغامرة الغير ضرورية إنتحار وعندها لا تنفع كلمة “لو” أو “يا ريت”… ولن تصلح خللا.

إقرأ أيضاً: إلى الوزير بو صعب… هي «تالاسا» هي العاصفة الأعنف!

Joud Fatima

خبر عاجل
وصول معلومات عن خطف وزير التربية و التعليم (إلياس أبو صعب) و ذلك قبل وصول العاصفة تالاسا

farah ‏@farah20112013

تالاسا .. انو خلصت الاسامي

Pascale Barakat ‏@BarakatPascale

يجب على تاﻻسا ان ترحل قبل أن تأتي
وبسرعة

Elio ‏@elio_zgheib

تالاسا أنا ناطرك

آخر تحديث: 23 يناير، 2016 1:43 م

مقالات تهمك >>

ننصحكم >>